為香港未來，身在遠方的默默聲援，近在咫尺的自當挺身而出。阿龍與一班在內地留學的港生，28日凌晨抵港趕赴政總聲援學生，成為感受過催淚彈「新青年」，無懼艱辛接過物資站工作，「我只不過係盡自己作為香港人嘅力量」。
「我好心痛，警察唔應該用咁大嘅武力，因為我哋手無寸鐵，都只不過係喺度聚集，未至於到要用催淚彈嘅地步。」
在宿舍看着學聯學民的行動，阿龍與一班同學坐立不安，「見到大家咁畀心機去做學生運動，自己好似做唔到啲咩，見到情況好似好緊急，唔企出嚟唔得」，於是漏夜坐車回港，打算出一分力。
站在添美道入口，阿龍看着第一發催淚彈落入身後的人群中，「胡椒噴霧就預咗嘅，但係冇諗過佢出動催淚彈驅散我哋」。數分鐘後第二第三波催淚彈亦朝他射出，「好辛苦，成塊面揦住痛」，尖叫聲耳際響起，有人支撐不住跪在地上，更有人當場嘔吐。
「我好心痛，警察唔應該用咁大嘅武力，因為我哋手無寸鐵，都只不過係喺度聚集，未至於到要用催淚彈嘅地步。」憶述當日兵慌馬亂，阿龍仍心有餘悸，由於擔心會使用更進一步武力，直至翌日風平浪靜方再回來，並接過物資站的工作，「做得就做啦」。
佔領行動曠日持久，阿龍與同學制訂了輪班時間表，自己就負責通宵更，一直留守到天明。踏入第七日，每日重複搬運物資，每晚休息不過五小時，即使年紀尚輕亦少不免有疲態。不過，他卻在這裏找到與別不同的地方。「呢度好有人情味，比以往我所認識嘅香港更有人情味。」阿龍稱留守的市民非常積極，有需要就會幫手，物資源源不絕，不時主動問他是否覺餓， 「可能你唔需要嘅，但都會問你一聲先」，又四出派物資與其他人，聽到哪個路口有警方聚集，就會所有人都衝去同一方向，「好團結好感動」。
佔領強調無大會無領導，阿龍表示會有人因而不合作，「想拆咗啲鐵馬」，但其他人會一擁而上以行動表示反對。他認為這樣的抗爭能有效防止被「騎劫」， 「有一部份人只係想要梁振英落台就算，但佢落台都有第二第三個梁振英，我哋要嘅係真普選」。