政府施政屢見其弊，去年10月拒發牌予香港電視，令一台獨大的無綫更加惡，早前在半年有7億盈利下仍要裁員50人。藝人為謀生都要自尋出路，先後離巢的李思欣和石天欣開始學做生意，天欣更是首次創業，在葵芳開了一間僅百餘呎的時裝店，她說：「今次同朋友夾咗幾萬蚊，專賣日韓同內地貨品，因租金貴，我哋仲會上網宣傳。」問佔中有沒有影響生意？她說：「呢啲唔重要，我都有兩日去咗支持爭取民主。」
李思欣開保齡球場
李思欣的投資則較多元化，繼日本餐廳、火鍋店及網上鑽飾生意後，最近再以六位數入股荃灣一間佔地近六萬呎的保齡球場，裏面還有掟飛鏢、腳底按摩及餐廳，思欣表示每星期都會落場打躉，她說：「因做開食肆，我主打都係落餐廳。」她直言佔中對在香港區的食店生意有影響：「其實我都支持學生運動，但如果拖嘅時間太耐又會影響民生，做老闆都好無奈。」
採訪：嵐山
攝影：陳俊強
場地提供：Je t'aime、奇樂保齡天地