【本報訊】759阿信屋全港有200多家分店，不少門市鄰近佔領區，老闆林偉駿坦言，擔心佔中影響生意，幸佔中發生至今，生意「還可接受」。集會人士堵塞要道，林偉駿也靈活變通，調整分店進貨時間，「九龍、港島盡量夜晚送囉，其實冇人會出嚟阻你」。他坦言希望佔中盡快結束，「我唔怪學生，但最大問題係政府唔肯出嚟傾，好似由得件事腐爛咁」。
老闆：鎮壓好恐怖
經歷過六七暴動，林偉駿自言自己曾是「左仔」。看到警方濫用催淚彈，他直呼「好恐怖，恐怖到我都唔知講乜嘢好」，近在咫尺的暴力令他聯想到六四，「唔係近嘅問題，係使唔使咁呀？」但對於佔中，他不表支持，「因為我唔覺得會有用」。
像許多生於亂世的中年人，林偉駿渴望穩定；作為生意人，他最關心的是生意，「容我市儈啲講，無論發生乜嘢事，都係要交租、出糧㗎」。旗下200多間分店，員工上千人，都叫林偉駿憂心，「唔係我一個人嘅問題，係要對班夥計負責。政府唔控制社會穩定，我都要維持公司穩定」。
變通之計，是調整分店的送貨時間，鄰近佔領區的改在晚上送貨，白天就留給未受影響的新界分店，「夜晚好靜，冇人會搞你啲嘢，一樣送到貨」。員工也自會調整開舖時間，「其實唔係好大問題，大家都係會嚟買嘢；話冇影響呢就冇乜可能，但基本都可接受」。
他批評政府只擺硬姿態，拒絕對話；警方濫用催淚彈，更令他很反感，「唔知點收科」。他質疑，政府似要讓事情惡化，擔心終有日迫不得已須發聲，「唉，想做順民都冇得做」。林認為，問題不在學生，勇敢站出來的年輕人，更令他對未來有希望，「年輕人有呢次經歷，食過催淚彈，到10幾年後佢哋30幾歲時，我相信當中會出到優秀嘅政治家」。