【本報訊】連日佔領行動均氣氛和諧，但亦不時有人對示威人士不滿，昨晨9時許，一名聲稱要搭巴士往美孚賣衫架的男子，因不滿集會令巴士停駛，闖入旺角集會現場，不斷用粗口辱罵集會人士：「日日喺度阻我返工，你落去搵毛澤東嚟同你坐囉，我就係要玩嘢！」
其間，五名身穿黑衫的青年築成人鏈保護集會人士，他們一直沉默，惟該男子仍瘋狂叫囂：「黑衫，黑社會呀𠵱家？」有集會人士不值其所為，指摘他欺人太甚，勸喻他轉乘港鐵，他卻豎起中指挑釁：「我唔鍾意搭地鐵得唔得呀？夠薑你就嚟吖！」有人立即稱「唔好中佢計呀！」
警員趕抵調解時，該男子仍粗口橫飛，警員最後說：「呢度咁多人集會，你有邏輯就唔好行入嚟話人圍你，人哋本身好和平，你行入嚟就令到件事好唔和平，你離開就已經解決咗件事！」結果擾攘一小時，該男子才離開。