【巴黎直擊】連日來力撐香港學生兼發聲的何韻詩，昨日在巴黎出席完LV時裝騷及為時尚雜誌拍照後，在香港時間昨日凌晨，到巴黎鐵塔附近的Champ De Mars草地上，加入華人學生聲援香港遮打革命的活動。現場約有百多名學生，見到阿詩突然出現即鼓掌喝采，她在台上說：「完咗工作趕嚟呢度見到大家，好感動。
其實之前喺香港有去現場同班同學仔打氣，到喺屋企見到新聞報發放催淚彈畫面，真係唔可以接受。其實啲市民冇暴力行為，佢哋好和平理性，但係警察竟然出動催淚彈對自己嘅人民。」事後阿詩就在Instagram貼圖並說：「五湖四海一家人，為民主夢一起奮鬥。」
採訪、攝影：梁錦雯
