【本報訊】無名英雄群起出動支援佔領旺角，上海街、西洋菜南街與亞皆老街交界，多輛貨車及貨車組成車陣，嚴防清場或汽車衝撞。司機自發上陣，只想為香港盡一分力，「我冇佢哋（佔中）咁犀利，都唔怕俾人拉，我都係擺架車喺度，差佬最多話我堵塞馬路，咪告我違例泊車囉，最多咪罰我450蚊！」
貨Van司機袁先生自言只是普通香港市民，向來政治冷感，30多年來從未參與7.1遊行，眼見學生及市民無懼警棍、胡椒噴霧及催淚彈，他大受感動，決定一起抗爭，昨早到亞皆老街以戰車封路。「我冇佢哋咁犀利，但起碼做啲嘢對得住自己啦，我知有差佬影相，但都冇乜所謂啦，如果話我堵塞馬路，咪告我違例泊車囉，最多咪罰我450蚊！」
作為「搵食車」司機，他原本每日最少可賺1,000元，但佔中至今，他的戰車曾義載學生由金鐘返九龍、義載市民運送物資到各據點，「係賺少咗錢，但一定要力撐，因為好多的士、小巴加價，佢哋喺金鐘冇車返，我哋貨Van有個自發群組，見有學生求助，咪幫吓手囉！」