生意本來難做，業主黑白無常年年加租吊着我們條頸。
你們可以當李卓人係民主英雄，自從搞出最低工資，我們這些搵朝唔得晚的所謂老闆，那有餘錢請工人？
我們真係當你李議員係瘟神！
不單止，最低工資政策一出；香港工人過去的勤奮質素一去不返，人人只想似放長假般做保安「食蕉」，洗碗免問。開間小小影音店年年月月吊鹽水；自從自由行，賣4仔鹹碟、包冇A貨假次貨的正牌偉哥有巿場之外，加埋奶粉、尿片、法國雙飛人……總算捱兩餐下去。
睇嚟眼冤！呢個黃金週不要說維持往年水平，能做到平常一半生意額都甘願。人客少不單止，同學少年佔中、佔銅、佔旺，條街都行不通，遊客人客來不了，點做生意？返工都難啦！
我做咩生意？本來打Band做鼓手，至鍾意音樂，忠誠Beatles迷。
我64歲，其他人可選擇年年25，我非自選，真真正正六十四。中國人在此之前的世代，不少活不過六十四，我爸爸死在四十四，乜癌？上世紀舊事，搞不清啦，唔死都過八十幾。
心愛Beatles老早唱過When I'm Sixty-Four。
今年自己剛好64，1949年上海解放次年出生，未幾；為自由？那時不少上海人還相信解放後不會變；張愛玲、周璇、吳鶯音……來了香港，卻又送羊入虎口，返回上海。我父母為兩口飯離開滬上來港，不因為自由，那些年一般中國平民百姓如何分得清楚什麼是自由？精英文化份子還認定共產主義便是自由民主……唉！
我家不是什麼工業巨子、也非學貫中西霞飛路住小洋樓（那些年，租界上海，只有很少Elite階層可享，街童三毛多的是），更非江浙名族；爸爸唸完中學，中英文通順。媽媽上過中學，小時候幫助我們功課沒問題。他們是紗廠同事，老闆南移，為保飯碗同來，可惜到港後人事變更鬱鬱不得志！