公民黨陳家洛噚日同三個囡囡同老婆現身佔「鐘」集會。家洛話呀，三個囡囡都係自己主動話想去，話要用相機影低唔同標語做紀念，早前三個囡囡仲喺學校整黃絲帶派畀同學，fb亦變晒相關圖像，獲唔少同學畀like！
查實家洛三個女上周五已經去到集會力撐，但警方亂射催淚彈當晚就冇在場。而連日因為撐佔鐘而未有時間陪屋企嘅家洛，噚日就爭取番啲家庭時間，陪住囡囡同遊做埋身教。而上周返咗波蘭大學開學嘅家洛大女，喺老竇中椒中彈後，即時傳短訊畀佢百無禁忌話「好高興你仲在生」，搞到家洛哭笑不得。佢話波蘭（即係佢太太嘅家鄉）以前喺共產黨治下，對人民都異常兇殘，經常鎮壓和平示威。