【本報訊】酷熱天氣警告、黃色暴雨、家人極力反對，無論環境多惡劣，自佔領旺角發生後，港男CK一直堅守彌敦道，「俾阿媽狂插，瞓街兩日冇咗2,000蚊，佢覺得我好戇居，但我係着眼未來，唔係𠵱家嘅香港！」他深信香港有真普選，社會、民生都會有改善，「到時香港人買到樓、你想搵咩工都得。」
「呢度好需要留守」
一夜風雨，清晨的彌敦道未乾透，約30歲、任職工程的CK在馬路上稍事休息（圖），吃麥記做早餐，自周一起他開始「瞓街」，超過50小時在旺角生活，遠離元朗的家。留守旺角的決定，家人極力反對，「阿媽鬧我唔返工兩日，冇咗2,000蚊係好戇居」。他向公司請假集會，老闆也埋怨「冇人做嘢」。
CK去年11月到日本展開工作假期，眼見香港變天，今年8月提早返港，「喺日本嗰時每日都會上網睇香港新聞，見情況越來越差，好似新界東北立法會竟然粗暴通過，唔返嚟唔得」。守護我城，他一早決意佔中，現時只是提早發生，並選擇了旺角，「金鐘嗰度夠人，呢度好需要人留守」。
他稱曾有內地朋友向他轉述，在蒙古一條小村落，有富二代在村內駕車撞死人，村民上街起哄卻遭公安毆打及封鎖消息，「我唔想香港變成咁」。走上街頭只為有得選擇，工作及金錢已不重要，他強調特首梁振英必須下台，又批評警方日前不應使用催淚彈驅散集會，「推吓鐵馬都要放彈，佢平日咪要放好多？」他笑言近日好像背包客，背囊只袋了數件衣服，要沖涼就往公廁，但見仍有很多香港人願意站出來，令他覺得香港仍有希望。