【壹週刊】近月在Facebook出現一個熱門推介專頁，叫「大賭變李嘉誠」，網主自稱「誠哥」，不過他並非黐膠花起家，卻自誇日日贏波到馬會出糧。「誠哥」，標榜有大陸大戶重點消息，自此有車、有樓又有女，又學足炫富女郭美美，上載自拍片段，手戴名錶數着一疊疊千元大鈔，要獲堅料，先要成為會員，月費五千，即可斬斷窮根，「誠哥」又在網頁留下金句「做人做狗自己決定」，最少千名賭仔因而落疊，最終付了月費卻換來山埃貼士輸到仆直。多名被「誠哥」哄騙中招的苦主，向記者講述受騙經過時，劈頭第一句都是「香港地有邊個唔貪？你睇吓iPhone出乜都炒啦！」一切源自於想不勞而獲「貪出禍」，本刊記者週一找陳冠霖對質，他一聽到記者叫他「誠哥」後立即拔足逃入後巷，其後又主動出現向本刊表示「行家抹黑！麥當勞夠話有毒啦！你睇我手機幾多人覆！」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/