剃頭以示不滿人大決定、決心公民抗命嘅陳淑莊Tanya，噚日現身金鐘，極受歡迎，每六秒就一個握手，有市民更上前笑稱佢係「貧尼」，Tanya都唔係省油嘅燈，直情話自己法號叫做「麻甩」。麻甩法師話呀，自己上個星期好不滿啲頭髮唔長唔短咁，所以再剃頭一次。
除咗不斷握手，Tanya喺金鐘不斷接受外國傳媒訪問，次次都狠批狼振英係「totally rubbish」，佢認為呢位特首唔應該喺冷氣房開記招，而係應該走出嚟面對群眾。三個佔領場之中，Tanya最鍾意係俾人話最危險嘅旺角，皆因示威遊行好少喺MK，MK仔女原來都追求真普選！