娛樂圈不時傳出有男藝人「偷食」搵小三，但其實都有好好先生，好似蘇志威、蔡一智和梁漢文，經常被影到陪老婆行街睇戲。日前三位好男人又出動陪老婆，前年被診斷患上乳癌的梁漢文太太林文慧現已康復，與老公結伴到中環ifc睇戲，穿上豹紋短裙的林文慧十分省鏡，兩人離開戲院時遇上記者，一度緊張到彈開，但仍保持微笑，之後乘升降機往取車。
至於蘇志威和劉小慧日前下午3時許，現身銅鑼灣的I.T購物，蘇志威睇中一件原價近萬元的皮褸，小慧從旁給予意見，約1小時後購得戰利品離開，二人再到附近一間蛋糕店，看來是買蛋糕𠱁小朋友。差不多同一時間，蔡一智與太太周雪芳進入中環中建大廈，兩人逗留約半小時，周雪方拿着一個大紙袋先到樓下，一邊講電話邊等老公，之後二人到附近長江中心取車離開。
採訪、攝影：畢紹基、羅德光、李志明
