【巴黎直擊】法國女星Anna Mouglalis、徐濠縈、BIGBANG隊長G-DRAGON（GD）與緋聞女友水原希子，巴黎時間昨日於大皇宮欣賞Chanel 2015春夏時裝騷，GD率先到達，戴着頂紳士帽chok住任影，其間不時有人要求跟GD合照，他亦來者不拒。當GD入場後，水原希子在工作人員陪同下到場，她在場擺出V字手勢甫士，表現調皮，深得中外攝影師歡迎，瞬間已被團團圍着，記者問到他會否跟男友GD合照？她甜笑說：「No。」入場後他們獲安排坐在front row，二人見面亦有打招呼。而阿徐表示香港佔中令她心情很差，她更透露女兒康堤的10歲生日會決定取消，她說：「原本諗住雙位數字嘅生日係值得慶祝，但係大家都冇心情，個女會明白，同Eason（陳奕迅）商量過，我哋會喺屋企買個靚啲嘅生日蛋糕慶祝。」
採訪：梁錦雯
攝影：葉君海
