李民橋太太鄺保瑜（Bonnie）創辦的網上嬰幼兒禮品店Babylicious上周於半山開幕，邀請了一班名人好友包括何超雲、李嘉欣、趙式和與恒生新抱何倍倩（Anina）等到場，丈夫李民橋當然在場以示支持。開幕日沒有隆重的儀式，網站是Bonnie與好友梁慧欣（Daphne）一同創辦，她們都喜歡小孩，但覺得選擇嬰兒或幼兒用品會有一定困難，所以創辦此網站，Bonnie說：「Daphne有兩個小朋友，我亦有一個契女，所以我哋對挑選禮品好有心得，期望繼續可以搵多啲品牌，豐富禮物嘅選擇。」
頭着地幸冇骨裂
活動當日Anina一早到達，原來她公司的BB用品也在網站中售賣，她更一次過購買3大袋用品給3位寶貝仔女，她說：「因為Bonnie代理咗一個毛毛產品，我囝囝同囡囡都好鍾意，買到返去佢哋好開心。原來裏面仲有好多得意嘢，好似有一個吹氣嘅頭盔，我覺得好啱我個女。」但Anina囡囡只得1歲半，為何用得上頭盔？她說：「上星期我囡囡喺BB床上面跌咗落地，當時嚇到我呆咗，額頭腫晒，我即刻帶佢入醫院，照X光，好彩頭骨冇裂到，但有少少瘀血，等佢慢慢冇事。」
採訪：羅慧敏