政府取消今日國慶煙花，明晚假紅館舉行的國慶文藝晚會卻如期舉行，不過，擔任表演嘉賓的張崇基和張崇德兄弟決定辭演。記者昨致電張崇德時，他承認辭演，問到原因，他無奈說：「我哋真係冇咁嘅心情，作為香港人真係好難過，再冇心情去表演。」
原來擔任司儀的鄧梓峰亦曾考慮辭演，他昨說：「我睇咗幾日新聞，都好唔安樂，我唔係支持佔中，但我覺得警察用多好多不必要暴力。我有問大會會唔會取消，佢話唔會，我都有考慮出唔出席，但我20幾年嚟未試過甩底，我亦過唔到呢關，應承咗人咪做囉。」有份演出的肥媽瑪利亞則說：「爭普選同國慶係兩樣嘢，風牛馬不相及，我立場好中立，你去佔中冇抨擊你，我去參加國慶騷唔通打我？我唔去搞你，你唔好搞我，河水不犯井水。」
採訪：魯吉、皓騫