有阿爺撐住嘅狼振英，死都唔肯正面回應佔領人士要求佢落台嘅訴求。但隨住示威者和平佔領嘅範圍不斷擴大，佔領行動已經喺幾區遍地開花，究竟事件最終點樣收科，真係好惹外界關注；除咗求神問卜，政界中人似乎至今都冇乜好橋！而本身係虔誠基督徒嘅新地聯席主席郭炳江，噚日被問到呢場佔領風暴不斷蔓延時就話呀：「信教嘅好有信心，神會解決。」查實郭炳江前日曾經建議狼英可以同黃之鋒傾吓，認為狼英應該要面對群眾，偏偏狼英一直龜縮，郭炳江對此為佢講好話：「佢揀緊時間出嚟囉。」咁幾時先係適當時候呢？郭炳江就話唔識答，只稱會為CY同市民祈禱喎。