【本報訊】佔中持續，二手成交萎縮。有鰂魚涌太古城準買家藉佔中為理由，要求業主減價，然而好多業主完全唔怕，相信佔中對樓市僅帶來短暫陣痛，有業主預期就算跌，也不過跌一、兩個巴仙，惟佔中令睇樓意欲減，太古城睇樓量即跌。
八藍籌屋苑零成交
過去兩日佔中、盤源短缺及新盤搶客，十大藍籌屋苑八個「零」成交，宗數僅錄2宗，中原地產趙鴻運指，太古城開齋個案為南海閣低層F室，實用587方呎，成交價780萬元，呎價13,288元，原業主9月初開價798萬元，近日心態放軟，減價18萬元易手。
太古城預約睇樓量自佔中後錄約50組客，較啟動前跌逾16%，代理指部份準買家想用佔中作理由，與業主議價，賺些甜頭。太古城業主趙先生認為，樓價不會有長遠影響，但相信會帶來短暫波幅，估計跌1至2%。
九龍區觀塘麗港城也破蛋，美聯吳紹輝表示，該屋苑37座高層G室，實用517方呎，原業主上月放盤開價600萬元，最終減價5萬，以595萬元成交，呎價11,509元。