寶珮如自96年拍過電影《東堤岸有鬼》後，至今已有18年未有拍戲，最近獲導演張經緯力邀參演電影《藍天白雲》，昨日寶珮如在facebook貼出臉部受傷照，左臉紅腫一片，連嘴角都爆了，她留言：「拍動作戲難免有意外，但估不到今次……」友人紛紛留言慰問。
記者昨日致電寶珮如問候，她說：「噚晚我拍《藍天白雲》，場戲講述我畀個女勒死，演我個女嘅係個新人，佢唔識就力，我想出嚟效果逼真啲，我叫佢唔使留力，一take好過係咁NG，但結果佢都NG咗幾次。拍完落妝，我塊面爆晒微絲血管。」寶珮如表示昨日清晨才收工，由於太攰又頭暈沒去看醫生，她說：「我返屋企即刻敷冰敷咗成個鐘，戲中扮我個女嘅新演員都好唔好意思。」
採訪：楊定