【本報訊】連日民主佔領都相安無事，直至昨日凌晨事情突然發生變化，一名男子駕駛平治房車衝入當時有逾萬人集會的旺角彌敦道及亞皆老街十字路口，嚇得在場人士紛紛走開閃避，幸無釀成傷亡，該車事後逃離現場。有市民記下涉事平治房車車牌，警方於個半小時後以涉嫌瘋狂駕駛將他拘捕，事後准以保釋，10月下旬報到。事主落網前被記者找到，他仍理直氣壯的指自己有權、合法及安全使用道路。
被捕男子姓張（59歲），家住九龍城衙前圍道。他落網前接受訪問時稱：「我係急，急約咗人有啲嘢傾，急住要去嗰度！如果我特登就撞到人，但我冇……我估計唔危險先過條馬路，危唔危險係嗰啲阻擋路口嘅人諗，我唔係無聲無息，我一路都平穩速度、響住按咁通過，佢哋都讓開畀我，我驚乜嘢？香港係法治社會，我合法使用道路我使咩驚，我有權使用！」
示威者驚慌閃避
昨凌晨近2時，當時彌敦道及亞皆老街仍有逾萬人集會，涉事平治房車突然沿亞皆老街向大角嘴方向衝入示威者人群中，在場眾人驚慌閃避，有示威者稱：「正面向我衝嚟，如果唔跳開一定斷腳！我追住架車嚟打，打咗頭蓋兩拳。」在場的《蘋果日報》記者亦立即聯同部份聲援的客貨車司機追截，惟至油麻地果欄時被對方逃脫，事後示威者加強防護。
事發半小時後，兩名男女警員到場了解，至凌晨3時半，警方根據資料前往九龍城將姓張車主拘捕，並往對面文園大廈停車場調查泊於該處的涉事私家車，可見車身遺有相信是示威者的鞋印。
西九龍交通意外調查隊高級督察黃兆樑表示，相信涉案姓張男子並沒有黑社會背景、飲酒或精神問題，而他過去亦沒有車禍案底，黃兆樑其後強調：「警方有足夠警力，唔存在有事唔做嘢情況。」
資料顯示，姓張司機的地址是一幢三層高戰前唐樓，屬黑幫「新義安」舊會址，由已故創辦人向前持有。2007年，向前兩名兒子向華炎及向華榮入稟高院申請逆權侵佔，惟案件期後無限期押後。