民主大廣場，青春不老。上周六由學界率先發動嘅佔領行動，就算警方出動過催淚彈、反對陣營不時挑撥離間，抗爭者都堅持留守，令佔領行動遍地開花。
活着必須革命，佔中者流了淚，全香港人大覺醒，唔少人最感動嘅係，當中好多佔中參與者都係年輕人，而喺強權高牆之下，弱質纖纖嘅女生，格外堅強。
有女將繫上黃絲帶表態；為咗持續抗爭，額頭同面上嘅散熱貼，比芳容更加緊要。門常開變門常關，少女為開放政總挺身闖關；萬人佔「鐘」人海中，外籍少女更赤腳上壆撐港人。當然啦，小花雖好都要綠葉扶持，男丁赤膊迎戰胡椒噴霧，亦獲得唔少掌聲。哪怕去抗戰，青春不老；佔中運動，名副其實遍地開「花」！
李八方
mailto:[email protected]