壹傳媒主席黎智英早前俾黑客非法盜取電腦嘅私人電郵，對佢捐錢支持泛民主派大做文章，估唔到五毛唔止抹黑，仲乘機想掠水賺一筆。八方噚日經過書局見到新書推介有本《泛民收錢實錄》，將過去兩個幾月嘅黑材料連埋新聞報道抄襲成書。八方揭過吓本書冇乜料到，但就賣成108蚊一本。
本書由「創潤佳有限公司」出版，間公司喺今年8月先至成立，公司唯一董事叫李遠，大陸人，住喺北京海淀區清景園2號樓3單位1703室。至於作者就自稱「鄭義民」，喺序言自我介紹係一位「退休賦閒的金融工作者」。仲話相信事件「塵埃落定之日，再將整件事結集成書，相信可登上世界暢銷榜」喎。