佔中行動周日展開，獨立股評人David Webb算係少有參與佔中嘅財經界人物。見到股壇長毛喺fb打卡，華華即刻搵佢講下，原來Webb星期日下晝5點半至7點半曾到中環參與佔中，並作為香港人的一份子而感到自豪。他以香港為家23年，好高興見到咁多人為香港自由嘅核心價值站起來，佢仲話，過程無拋出過一塊石、無燒雜物、無打鬥，係和平抗爭。
Webb好激動咁話，警方用催淚彈驅散人群係過度武力，準備「散去！否則我哋開火」嘅橫額更是不對，佢哋仲部署橡膠子彈，雖則未有使用。他相信，催淚彈只會產生短暫效果，將會更多人返來。
對於佔中點收科，佢話北京喺人大常委會裁決已犯下大錯，香港本來做中國民主改革嘅榜樣，但當權者怕失去權力，而唔敢讓香港有真正普選，估計香港會續陷政治僵局。至於財經方面，佢話暫未對港股造成太大衝擊，相信對零售同酒店類股份影響較大。
【Webb圖解講佔中】
‧2017年特首參選人的提名出閘門檻，原先希望維持上屆選委會八分之一提名
‧不過北京擔心 「選錯人」
‧最終人大決定參選人需獲「過半數」提名，令門檻變得更高
‧學生公民抗命，觸發「雨傘革命」
