【本報訊】自周日凌晨起在公民廣場佔中的民主黨創黨主席李柱銘，前天遭警方發射的首枚催淚彈襲擊，即時由友人扶離現場。李柱銘昨稱，沒想過警方會發射催淚彈，認為「呢個政府已經癲咗」，表明為爭真普選無所畏懼，「如果佢哋真係駛啲坦克車過嚟香港，我就會搵一架單車，對住架坦克車，睇吓佢點做」。
前日在夏慤道「中彈」的李柱銘昨接受本報訪問，稱前天得悉市民佔領金鐘後，為免示威出亂子引發警察動武，決定離開政總集會現場，到佔領現場呼籲市民保持冷靜，「因為如果差人動武，傷嘅一定係我哋啲百姓、我哋啲人」。
他指沿途市民與警方一直表現和平，惟行至夏慤道時，有少數人多次與警發生推撞，警員多次噴射楜椒噴霧，「突然間就砰一聲，我知道唔妥，因為啲人話一射催淚彈，我哋就一定要走，唔可以唔走，否則會出事」。最後他聽到一連兩下「砰」聲後「中彈」，身邊極多煙霧，最終在兩人攙扶下提早離場休息。
「呢個政府已經癲咗」
他稱其後從電視看到警察瘋狂發射催淚彈，感到「呢個政府已經癲咗」，更對港人堅持愛與和平，面對警方暴力亦只舉手不作還擊深受感動，「全世界去到呢啲位，一定燒警車或推跌架車，但香港人掂都冇掂，係完全做到愛與和平，呢啲鏡頭全世界都冇，呢樣我覺得香港係全世界第一」。
對於警方暴力鎮壓，李柱銘相信特區政府獲中央政府授權，認為中央若繼續強硬鎮壓，香港極可能出現流血死人事件，他指屆時會勸港人不要再參加抗爭，但他自己一定走在前線，「如果佢哋真係駛啲坦克車過嚟香港，我就會搵一架單車，對住架坦克車，睇吓佢點做」，聲言不會因此畏懼，「因為我哋喺正義、真理嗰面，點解要驚佢唧」。
李柱銘稱參與佔領的港人今次和平抗爭，為香港普選帶來希望，「我咁多年希望見到嘅，就係香港人企出嚟，𠵱家企晒出嚟喇，𠵱家係有希望，全世界都睇到」。