佔中運動如火如荼，向來是宅男朝聖地既Game場旺角，亦受佔中影響，因為一班「手掣」宅男與鍵盤戰士，今次都話不容妥協，要親身上街，所以信和同好景兩大Game場，都人流大跌七成。
昨日現場所見，信和、旺電、好景真係得小貓三四隻，電器良品老闆阿文話，下午四、五時的信和，平日買Game宅男，排到出門口，昨日就人流大跌，佢仲話，原本想關門罷工，不過見機迷肯放低手掣佔中，都大感欣慰，最新仲話會為佔中人士提供充電服務，話要幫下手咁話。
記者亦剛遇到手腕繫上黃絲帶既阿昆，二十出頭嘅佢，平日係典型機迷，剛在旺角跟朋友靜完坐，見旺角朋友補給足夠，正打算充好電，上前線金鐘支援，而在旁的阿南，雖然暫未參與佔中，但打機多年嘅佢都話，呢個時候，點可以再喺屋企打機，年輕的機迷當然要參與運動！
作者：童傑
