奧斯卡影后姬蒂白蘭芝（Cate Blanchett）、捷克超模庫爾科娃（Karolina Kurkova）、周迅、袁詠儀（靚靚）與吳鎮宇等中外巨星，昨晚於灣仔君悅酒店出席「永恆的柏濤菲諾」 晚宴。姬蒂白蘭芝一身黑色透視裝現身，在佈景板前擺甫士任影，笑容滿面，十分親切，而中性打扮的周迅到場後並沒有接受訪問便匆匆入場。
「警務署長要負全責」
靚靚一身白色低胸裝性感現身，被問到現在是否仍有跟囝囝一同洗澡？她說：「囝囝今年8歲，舊年開始冇一齊沖，但我採取開放式教育，𠵱家囝囝就算見到我沖涼都唔會驚訝。」問靚靚對於佔中的意見，她表示有留意新聞，囝囝更有問她警察為何會放煙，靚靚說：「係痛心失望，唔明白政府點解唔肯聽，聽咗都未必壞。」她又謂自己都有反省，囝囝3、4歲時與她關係水火不容，現在會選擇聆聽囝囝的傾訴。
此外，蘇永康與母親一同看電視，康仔表示：「警務署長係要負全責，香港人淨係見到啲裝備已經不滿，攞晒槍喺手，如果冇諗住用就叫做恐嚇。」而吳鎮宇囝囝因拍攝《爸爸去哪兒2》受傷，他表示測試後視野仍有點模糊，可能是心理影響。提到佔中事件，鎮宇坦言本身不清楚佔中目的，他表示現在就似翻天覆地，用癱瘓去達到目的，令像他一樣中立的人不懂去判斷。
採訪：林嘉慈
攝影：陳志嵐