【動Fun】上星期會展舉行的SOLITON呈獻「分手100次+1」分享會，電影《分手100次+1》中的幾位演員鄭伊健、周秀娜（Chrissie）、王菀之及C AllStar唱歌和分享電影趣事。大會主持兼導演鄭丹瑞（阿旦）大談戲中結局，期間問到各演員想改甚麼結局？伊健講笑話：「我想男女主角喺過馬路時俾雷劈中，然後佢哋一齊失憶重新追過對方。」結果贏得全掌聲。另外，問到伊健最難忘的分手經歷時，他表示：「我有個朋友嘅女朋友話自己有絕症，不過後來點知佢原來係有第二個，嬲死我個friend！」
講全晚的最為驚喜的，就是Chrissie大開金口唱歌，Chrissie表示唱歌比起拍戲緊張得多：「我打算進軍樂壇，其實今次唱歌，我同事仲緊張過我，好彩今次冇失手咋。」唱電影主題曲的王菀之就大讚電影歌曲監製陳光榮，她表示：「佢嘅曲風同我好似，我一聽Demo時以為係我自己寫嘅歌，好高興今次可以同佢合作。」而初嘗拍電影的C AllStar表示很開心可以拍戲外，最開心是更可以唱電影插曲：「呢首歌（A Hundred Times）係我哋第一首英文及電影歌，所以意義好大，希望將來可以進軍其他國家。」
如想重温音樂分享會，可以登入SOLITON 免費足本重温「分手100次+1」分享會。 (7天免費試用）
特約報道
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun