龔慈恩14歲囡囡林凱鈴（Ashley）憑高䠷身形加清純氣質獲網民激讚，封她為「嫩版吳佩慈」。原來Ashley不但樣子甜美，更是靚聲王，修讀聲樂的她日前為本報演繹多首古典歌，在鋼琴高手同學黃叡哲伴奏下，先後獻唱《Sonntag》和《How Could I Ever Know》，其美妙聲線不但為龔慈恩帶來驚喜，而且記者更發現她歌藝比不少歌星還更出色，絕對有條件踩入樂壇做歌星。
精通樂器愛唱作
龔慈恩透露Ashley從小對音樂有濃厚興趣，而本身主修聲樂的Ashley，也有學長笛、中提琴及鋼琴，閒時甚至會寫歌，音樂才華洋溢。Ashley坦言媽咪從不施予壓力，她說：「想學乜嘢、有乜嘢目標或者夢想，如果係有問題媽咪一定會阻止，如果係合理或者富挑戰性，媽咪會支持我去做。」問龔慈恩會否讓囡囡入行？她笑說：「暫時佢所有嘢都係一個學習階段，我最支持佢對音樂方面興趣，𠵱家讀好書係最重要。我成日同佢講，機會係畀有準備嘅人，可能過多兩三年，佢會知道自己目標。」
除音樂之外，朗誦及演話劇也是Ashley興趣，她說：「演員係世上唯一一項工作可以代入任何一個角色，而唔係書本返學可以學習返嚟。」Ashley大讚媽咪是有遠見的人，為她裝備好一切，她說：「媽咪令我放膽去嘗試，以媽咪咁多年經驗，佢話唔好，我唔會去試。」
採訪：馬建華
場地：Parsons Hall@Parsons Music Centre
服裝：PENNYBLACK（Ashley）
