文詠珊（JM）前晚亦是JPG時裝騷的座上客，身穿綠色秋冬裝現身的她表示：「自己都好鍾意呢個品牌，設計好有風格，好unisex，我入場時，出面好多人，好震撼又好墟冚，真係好熱鬧。」問到會否有依依不捨之情，她說：「當自己知道佢唔繼續做時，真係好shocked，不過透過品牌公關知道佢會繼續做高級訂做服，𠵱家起碼可以睇到佢告別騷，開心又失落，希望佢會回心轉意再做落去。」問她會否看告別騷流淚，她表示：「唔知，可能會睇到感動，真係好熱鬧，會something different。」JM完騷後更入後台跟JPG合照。此外，JM欣賞JPG時裝騷前到過Vivienne Westwood騷，當然亦有入後台打卡集郵，她說：「佢認得我去過試衫，仲叫得出我個名，我真係好似小粉絲咁！」