大批市民喺戴耀廷宣佈提前佔中後，噚日朝早魚貫到場聲援。之但係喺警方大範圍封路下，未必個個都入到政總。過往遊行示威一定會見到人民力量嘅黃色旗，噚日亦都收起，但唔代表佢哋冇撐佔中。
八方見到主席袁彌明（Erica）同人力立法會議員慢必陳志全，噚日雙雙喺中信大廈對出靜靜坐低，召集支持者一齊報到佔「鐘」，Erica喺facebook話：「告士打道當然好過遮打道，市民做到了！」佢前晚已經明言：「不上台不揸咪不打卡不po相，我也不過是公民社會的一員，做應做的事。」至於佢嘅戰友慢必，則話事實證明市民已達忍無可忍嘅臨界點，狼振英麻木不仁，拒絕同學生對話，預計今次嘅學生行動，會激勵更多成人出嚟抗爭！