【消耗熱量】
準爸媽及早做好迎接新生命的準備，可減低湊B時的焦慮。除鼓勵孕婦與丈夫及照顧者一起上產前班外，伊利沙伯醫院出版名為「準媽媽的好煮意」（圖）的孕婦秘笈，由懷孕、分娩到初生嬰兒照顧，一站式內容應有盡有，並附有多個適合不同孕期及產後坐月的食譜，也有餵母乳貼士，解開媽媽們的困惑。
伊利沙伯醫院產科資深護師方紫素表示，其實要人奶充足有三個條件，包括保持心情開朗、營養足夠及要勤力餵，「屋企人支持好緊要，有啲媽媽未出院，屋企人已經話佢唔夠奶，不如用奶粉，個媽媽就會冇晒信心」。
她說，要順利開展餵母乳，產後一小時便要讓初生嬰兒學習吸吮乳汁，也可藉此刺激乳汁分泌，由於母乳容易消化及吸收，每日平均需餵食8至12次，「BB食得次數多同唔飽無關，餵得次數越多，可以刺激更多母乳，係一個自然循環」。持續餵母乳半年以上更可幫助媽媽產後收身。
《蘋果》記者