【本報訊】學生在公民廣場和平示威，但警方卻聲稱學生攻擊警察而使用暴力清場及拘捕學生。在廣場外支持學生抗爭的市民劉伯，直斥警方用藉口拘捕學生無良，「佢（警方）用呢個莫須有的藉口，話人攻擊警察拉人，呢個係陰謀！」
「話人攻擊警察拉人係陰謀」
頭帶鴨舌帽及孭着環保袋的劉伯，昨凌晨在廣場外支持學生的和平示威及抗爭。劉伯稱：「我仲有氣力爭取民主同人權，共產黨的暴力制度，違反人類生活規則，十分失敗。」
他又稱，今次學生的示威是和平進行，「呢個係學生的和平示威，好克制去表達民主訴求，係成功嘅」。他又認為警方硬要使用過份武力拘捕學生及清場，十分可恥。「佢哋（學生）冇用武力攻擊，所以警察冇藉口去用武力對付我哋啲示威群眾。如果佢（警方）用呢個莫須有嘅藉口，話人攻擊警察同拉人，呢個係陰謀！」
一對情侶，昨凌晨同在廣場外支持及目擊學生和平抗爭運動，他們不值警方暴力對待學生。穿着黑衣的男友稱，「我覺得大家安排得好好，好有組織，好有條理。大家都係企喺自己位置，冇做過任何嘅衝擊，佢哋（警察）唔理大家嘅安全，好近距離（向學生）噴胡椒噴霧」。
其身邊的女友亦搶着說：「其實我覺得市民好冷靜，基本上就係佢哋（警察）衝埋嚟，大家都係高舉雙手，在唔暴力之下阻住警方衝去個台度，令集會繼續進行。」