之前同富婆Laura、馬賽三角戀嘅汪子琦，做過內地製片嘅佢原來都有煲大台嘅劇。
汪子琦昨日喺微博寫話：「休息日繼續追劇，如果說《使徒行者》是一鍋粥，@佘詩曼Charmaine 阿佘就是一顆紅棗，而@高海寧就是這部劇的一顆老鼠屎，做花瓶勉強，演戲毫無層次感，裝腔作勢，徒有其表。原本她飾演的是一個非常有發揮的角色。TVB花旦真是後繼無人。」狠批高海寧都算，汪子琦直頭要tag埋高海寧，慌死佢唔知咁。
點解汪子琦會插得高海寧咁狠呢？唔知同高海寧孖馬賽friend底有冇關係呢？但係高海寧喺呢套劇飾演嘅「黑幫大家姐」原來係第五個臥底，之前亦有報道話佢事前要苦練凌厲眼神同說話冇尾音，奸到爆。落足苦功，點知都一嘢俾汪子琦插爆囉。