電影《低俗喜劇》為DaDa升呢成為金像獎最佳女配角，她的爆炸糖一角，孖着笑匠杜汶澤，帶出喜劇效果，阿澤讚DaDa：「佢有喜劇天份，每部喜劇都需要有個靚女，拍喜劇要有開放態度，佢好玩得。好多前輩拍喜劇時未必諗好多嘢出嚟搞笑，但本身個人好玩，呢樣嘢好重要。」
到底喜劇演員還需甚麼條件？阿澤認為：「要冇自尊，冇尊嚴，純粹娛樂觀眾，觀眾開心就係我哋維生工具。」早年導演林嶺東叫阿澤專注做喜劇，阿澤說：「我雖然表面恭敬，但內心好不忿，結果自己搞咗部《伊莎貝拉》，𠵱家年紀大，算把啦，最緊要搵到食，又娛樂到大家。」DaDa受阿澤感染，也有興趣做觀眾的「笑彈」：「乜嘢戲路同角色都想試，希望可以多啲機會。」
