【記者馬志剛報道】「警方成為清場行動，完全失控；啲差人情緒好高漲，咁粗暴對付學生」。從前晚起連續兩天一直到政總聲援學生、其間僅回家數小時的70歲黃伯氣憤地說，「我凌晨一點幾返屋企沖個涼，想瞓多陣，但點都瞓唔到，今朝9點又走番嚟政總到𠵱家」。對於共產黨過去30年一個一個謊話，黃伯終於死心，強調爛方案絕不能「袋住先」。
今年70歲黃伯，1949年政權轉移，他隨母逃難來港，「嗰時細路哥邊識民主唔民主，但直覺係被共產黨迫害，識性就開始思考點解要走難」。60年代末文革，他在卜公碼頭見過水警輪撈起浮屍，「五花大綁，撈到都還好，漂出南中國海都唔知有幾多」，當時他已考慮，「如果讀得成書就移民，遠離呢個魔鬼地方」，直到鄧小平上場。
90年代棄移民機會
「鄧小平搞改革開放，我對共產黨又重燃希望」，84年中英兩國簽訂聯合聲明，黃伯憶述，當時確對香港民主回歸充滿信心，「英國係先進民主國家，又同聯合國登記晒，應該係兩國嘅諾言」。他說，那些年還儍得回國內辦起製衣廠，一心為國大展拳腳，誰知又到六四事件。他反思是否應該繼續在此投資、交稅，最終賣掉廠房回港。
長女在澳洲落地生根，90年代初邀黃伯移民，最終他還是留下，「聽鄧小平講，（回歸）只係換一面旗，生活方式、人權法治冇變。江澤民一句『河水不犯井水』，落實一國兩制，我又原諒咗佢，打消走人念頭」。胡溫上場，溫家寶屬溫和派，黃伯的民主夢再燃，惜又傳來溫氏海外擁大量資產醜聞。2007、08雙普選，他寄以厚望，誰知一句循序漸進又講足四年。
一次又一次被騙，黃伯以為2017年「一定冇得走數」，結果擺在眼前。黃伯不忿，帶着爛橙擺街站，叫人拍照放到網上，旋即引起迴響。「我知道冇可能叫人大改變決定，𠵱家只係話畀泛民聽，唔可以『袋住先』！」方案一日未上立法會，黃伯都會繼續擺街站，向泛民施壓。