DaDa去年復出即與杜汶澤合作電影《唐伯虎衝上雲霄》，螢幕重逢，阿澤大爆點錫DaDa都要約法三章：「我同佢講再係咁NG唔係辦法，𠵱家金像獎多咗個規例，NG超過200次要收番個獎，佢信以為真，我同班crew講完就係咁擰歪面笑，佢跟住拍成部戲竟然好流利。」
重生的DaDa為阿澤帶來驚喜：「唔知佢退出後去咗邊度，食咗啲乜嘢聰明豆，佢返來變咗醒目仔，《低俗喜劇》850萬成本，票房收3千幾萬，DaDa拍嗰時成日NG，燒咗至少6、7百萬，佢呢次返咗嚟明顯少咗NG。」不知是否DaDa連累喪NG，阿澤給DaDa在《低》片表現零評價，他說：「我一粒星都冇畀佢，金像獎反而畀咗個獎佢。今次《唐伯虎》唔同，我畀佢3粒星，等佢仲有兩粒進步空間。」DaDa視阿澤稱讚為鼓勵，她說：「我𠵱家學識處理好自己情緒，多咗空間，自信心大咗。」