【抗命時代】
【本報訊】佔中三子聯同香港天主教教區榮休主教陳日君樞機，昨晨到政總為留守的學生及市民打氣，佔中發起人戴耀廷讚揚學生之餘，譴責警方向市民施加不成比例的武力，表明與留守學生、市民共同進退，「留到最後一刻，甚至乎係被拘捕」；陳日君則呼籲警員良心執法，亦提醒警員：「市民唔係奴隸！」
記者：呂浩然 莫劍弦 雷子樂 林俊謙
佔中三子與陳日君昨晨10時左右抵達政總，走到集會人士中間聲援，並為市民打氣，戴耀廷與另一佔中發起人陳健民，分別拿起雨傘更換眼鏡，為警方隨時暴力清場作好準備。
陳日君昨日到場主要為集會人士打氣，其間他更拿着咪高𥧌走到公民廣場附近，隔着圍欄向駐守廣場內的警員喊話：「希望你哋記得，入面坐低嘅係我哋嘅兄弟、係中國人，唔係奴隸，係你哋嘅兄弟，希望喺法律准許嘅範圍之內，你哋尊重你哋嘅兄弟。」
「非暴力唔係指坐喺度」
陳日君同時敦促警員「執法、執行法律，唔好聽任何唔合理嘅命令」，強調警察也有「良心」，「天主嘅法律、良心嘅法律，係所有人都要守嘅」。
戴耀廷在台上發言聲援集會，讚揚學生願意付出的精神，其後又對現況感到傷感，一度哽咽說：「點解香港一個咁先進嘅地方，我哋市民交流嘅心得，係點樣唔好俾胡椒噴霧整傷，點樣喺警察圍封嘅時候，可以有尊嚴地去廁所？我想喊呀！點解香港會變成咁樣呀？」集會人士聞言，即時向戴耀廷報以掌聲。
對於警方向集會人士施加大量武力，戴耀廷直言感到意外，「我見唔到有需要使用到呢個程度嘅武力，嚟去處理學生進入公民廣場，而且過去公民廣場都係市民集會嘅地方」，他反問：「只係爬過一啲欄杆，有乜嘢暴力喺度？非暴力唔係指就只係坐喺度。」
戴耀廷又呼籲市民繼續公民抗命，堅拒政改「袋住先」，大聲疾呼：「先逼爆金鐘，再逼爆中環！」戴更表明會與學生共同進退，在政總留守至最後一刻，「包括咗我哋，若果係被拘捕嘅話，我哋一樣、即係當清場嘅時候，我哋都係預咗被拘捕」。據了解，戴與另一佔中發起陳健民決定與學生和市民在政總留守到底。
另一佔中發起人陳健民亦稱，學生的行動一直都很和平，只是爭奪公民應有空間，並非打人。他續指，若佔中人數多達數萬，警方就難以用胡椒噴霧驅散人群。
民意清晰反對落閘方案
另外，佔中秘書處亦借港大民意研究計劃於本月19至24日進行的民調指，認為應支持人大決定的市民僅30%，反之認為應反對人大決定的則有47%，可見社會上反對人大決的市民比支持多，當中反對人大決定的年輕人更高達59%，強調民意清晰反對人大的落閘方案，促港府從善如流，向中央反映真實民意，撤回人大決定，不要「逆民意而行，成為香港民主發展史上的歷史罪人」，並警告若立法會議員背棄人民意願，支持人大決定，日後將受人民唾棄。