「決定去飲，唔可以畀學生獨自去受苦，點都要坐低同佢哋一齊。」任職社工13年的呂君麟，一直堅拒「埋堆」，對加入政黨和工會組織耍手擰頭，卻因受到和平佔中發起人戴耀廷願意放下身段、聽取弱勢社群聲音的謙卑態度打動，剃頭明志，前晚眼見學生遭警察暴力驅趕，昨晚決定獨自一人提早去飲。
呂君麟解釋，前晚沒有到總政加入學生行列，是因為等待佔中秘書處的佔中部署，「但係見到學生受苦，自己心情好痛，決定今晚去政總，同學生一齊受苦」。
CY幫唔到弱勢社群
但呂強調，經歷過7.2事件，會以冷靜態度去飲，不想感情過於波動，影響以和平手段佔中理念，「我會冷靜面對警方清場」。原來呂一直對今年7.2預演佔中當晚，未有陪學生留守感到內疚，早前剃頭決定堅持公民抗命到底。他指一眾社工同工準備透過聯署表明拒絕「袋住先」，「我哋希望能夠多啲人『去飲』，因為社工一向重視公義同平等，講政制公平選舉，當然要行到最前爭取」。呂直指，在現時不民主政制下，梁振英政府口號式的社福政策，不能真正幫助弱勢社群，「一日不民主嘅政治制度唔改變，社工能夠做嘅其實好有限」。
呂君麟說：「我哋呢代人唔爭取，只會留低爛攤子畀下一代，我唔想要由下一代去承擔」。他說，在佔中運動越走越前，主因是受到戴耀廷的道德感召，「我從未見過有政治人物咁關心弱勢社群，不論殘疾、單親、新來港、或者無家者，佢都親身去了解，我睇到佢係好謙卑嘅人去推動民主發展，因為呢種道德素質，我先決定委身參與」。