【本報訊】他們回來，因為孩子受傷了。「我真係心如刀割」。鮑太跟丈夫前晚聲援罷課，留至凌晨，她親眼目擊警察把學生推向牆壁，拿出胡椒噴霧，「好似家庭主婦噴曱甴咁噴佢哋」。這一幕她真的嚇壞了，因為自89年六四以來，從未見過警方如此瘋狂暴力對付學生，「點解香港變咗咁樣？如果再冇人企出嚟，香港冇㗎啦」。
警「好似曱甴咁噴佢哋」
憶起前晚的衝突，鮑太越說越激動，「噚晚（前晚）我平和好多，不斷喺度嗌，警察你哋唔應該咁樣對我哋下一代」。她一番好意沒有迴響，儘管孩子高舉雙手，高呼不會衝擊也不會傷害任何人，警察仍是把學生推埋牆，「好似家庭主婦噴曱甴咁噴佢哋」；有警察戴上黑手套，把伸縮警棍伸到最長，「準備打學生」。鮑生也直言：「完全係警方襲擊學生。」
二人昨重返政總守護學生，鮑太坦言，也是聲援自己、聲援香港，「如果我哋今日唔行出嚟，聽日唔行出嚟，咁我哋咪當放棄咗香港，但係我唔想」。任職醫護的Ann昨也跟兒子一同支援學生，因為被學生感動了，「佢哋係有勇氣，亦都有承擔」，不為政府欺騙，堅持爭取真普選，「說服我佢哋做嘅嘢係啱」，包括重奪公民廣場。
「係港府挑釁市民在先」
事發時Ann在添美道，目擊學生衝入政總，推開鐵馬只為在公民廣場靜坐，「好小事」，沒破壞沒施襲，「我唔覺得係暴力」。她說，政總名為「門常開」是一種象徵，承諾開放給市民；惟落閘則反映拒人於門外，「係香港政府挑釁市民在先」。繼續支援學生，因為「啱嘅嘢就要支持」。她說政府以「袋住先」去掩飾假普選，「如果我哋唔表態，令講大話呢個文化喺香港滋生」。
公務員Andrew昨跟妻子也重返政總，他坦言，許多年輕人「知道自己做乜，但要喺屋企搵支持好難」。他支持學生爭取真普選，「（年輕人）佢哋走出嚟，就係望到大人所做嘅嘢，似乎冇乜效，如果繼續咁落去，對佢哋嚟講，未來更加灰」。