有時賽前望住個排位表，好多嘢你會諗唔明，但當跑完你就會驚嘆：「啊！原來係咁！」
好似剛周三晚第六場，邊個賽前會諗到「快快贏」匆出居然唔報泥地1200米，走去跑1650米，結果爆20倍冷W。跟住第七場郭能有贏開嘅「百勝不厭」唔跑，騎番小方件「勁綵」，最終莫雷拉熱門輸掉「百勝不厭」，「勁綵」則以六倍贏馬。
馬迷始終好被動，牽涉咁多人和事，賽前未必可清晰咁諗到咁多嘢。好似今期第八場隻「天心星」，明明上季四戰都係田泰安經手，仲贏過兩W。但今季田泰安冇摸過，當然亦冇得騎，換咗潘頓；可惜「天心星」今場排二位，直路賽嚟講會好蝕。反而9號馬「帝聖好好」排到10位，呢程準到極，配搭依然係莫雷拉，爭勝條件肯定比「天心星」佳。
同日另一場直路賽編頭場，出馬多而形勢混亂，諗唔明點解會編頭場。蘇保羅慢熱係人都知，但今季只得一匹「藍色海灣」用潘頓即入Q，其餘上陣馬用華將全部不入三甲，唔通呢場隻9號馬「蜜圈」用潘頓係波？