【本報訊】身在天津的「梁粉」陳啟宗批評罷課學生理性分析能力不足，只得滿腔熱血，更認為毋須與罷課學生作出溝通，「你今日同佢（學生）講冇用，佢只會反駁你，咁由佢哋發洩吓囉！」
讚梁振英正氣有能力
在天津主持旗下商場開幕禮的陳啟宗昨表示，自己求學時期正值越戰，「我係學生運動時期長大嘅人」，身邊有不少同學大搞學運，很多人其後發現參與學運最終是「搵唔到食」，他說，當中有99%的學運人士均會選擇退出學運，而剩下的1%屬於學運領袖，「最可憐做帶頭嗰啲，佢哋由細出名，鎖死咗自己喺個思維度，行唔番轉頭」。他又說：「歷史係會重複，絕大部份搞學運，遲早都會理性化。」而梁振英民望不振，陳啟宗卻不離不棄，盛讚梁振英有正氣、有能力，形容在他認識的港人中，擁有梁振英能力的人，「我仲未見過第二個！」
他認為現時的學運領袖水準未達標，只得滿腔熱血，欠缺理性，「今日好威風嗰啲學生領袖，比起我哋越戰嗰陣小兒科啦！」他又提到前財爺梁錦松等人求學期間也是學運活躍分子，但明顯與現時的學運代表有分別，「佢哋嗰代人嘅理性比今日香港我睇到嗰啲強好多」。
佔中在即，陳啟宗重申「佔中梗係唔好啦，（大陸）畀你發達你唔要，你仲要踢人哋嘅上五寸下五寸」。至於會否加入前特首董建華籌組的智庫，陳啟宗說：「你問番佢哋嗰邊。」陳啟宗家族不時捐助教育，他是香港科技大學、美國南加州大學、北京清華大學及上海復旦大學等大學的董事局或顧問委員會成員。