【失驚無神嚇鬼你】今年萬聖節，號稱全美洲最驚嚇景點之一的Fright Dome首次登陸香港，豪言要挑戰固有兩大主題公園的地位和自命嚇大的香港人。Super Girls的4位成員日前就率先挑戰，到底四位少女膽生毛？還是老外扮鬼夠嚇人？《蘋果》娛樂帶大家搶先睇。
撰文：藍文浩、譚倩宜
全美最恐怖鬼屋之一的Fright Dome首度於美國以外嚇鬼，其實這家拉斯維加斯老店早已吸引過米高積遜、Paris Hilton和大衞高柏飛等到訪。一眾嚇人娃鬼更是由曾負責《驅魔人》、《奪命狂呼》等電影的荷李活特技大師設計。應邀試玩的Super Girls成員趙慧珊（Aka）、李靜儀（Heidi）、吳嘉熙（Cheronna）及蔡明芳 （Jessica）到場已甚為驚青，加上記者安排拍攝假mv期間，被電鋸狂人嚇至花容失色後，四女已初嚐恐怖滋味，不過難得Cheronna仍苦中作樂，扮被電鋸傷腳而跌坐地上。
真假難分狂尖叫
四女被安排分成兩隊分別進入不同鬼屋，Cheronna和Jessica先挑戰「德州電鋸殺人狂」，兩人手拖手入場，其間Cheronna又不斷起飛腳壯膽，不過仍被嚇得瘋狂尖叫，事後她說：「全部嘢都好逼真！當你以為啲道具係真人，其實係假嘅，但當你以為嗰樣嘢係假，點知原來佢先係真人！」被嚇到儍笑的Jessica則笑說：「我覺得自己即時大膽咗！」
而相對文靜的Aka和Heidi於屋外越等越驚，Aka說：「本身都冇咁緊張，但𠵱家越等越緊張！」而Heidi看來最驚：「估唔到Cheronna可以叫到咁高音，嗌到咁裏面係咪真係咁驚？」她們被安排到屠房場景，相對較另外兩人淡定，Aka事後更招積地說：「嚇唔到我嘅。」
想挑戰日本鬼屋
之後工作人員對四人表現評分，最後打和，四女要再訪第三間鬼屋「殺人小丑」，現場佈置得令人毛骨悚然，Jessica更調皮地從後嚇Aka。雖然4人金睛火眼想分辨屋內的真、假小丑，不過最後仍被面目猙獰的女小丑嚇得大呼小叫，Aka說：「最想嘅就係挑戰日本嗰間由醫院改建而成嘅鬼屋！聽聞因為太驚嚇，所以冇人可以完成到，我真係好想去玩吓！不如我哋Super Girls搵機會去試吓！」
化妝：Calvin Choi & Terrence Chan@HaIR Salon
服裝：D-mop
【鬼屋簡介】超驚嚇膽小者勿試
Fright Dome自2003年於拉斯維加斯開業，被譽為全世界最恐怖景點之一。香港站設有3間鬼屋，來港協助兼粉墨登場的更包括幾位高層，製作經理Terry說：「我們知道香港人喜歡在萬聖節期間到訪，所以我們用與其他對手完全不同的做法。」室內場景甚至道具像真度都極高，加上狹窄環境與悉心安排的燈光音響，比其他類似鬼屋有過之而無不及，自問膽小者三思。
開放日期：即日至11月2日
票價：$199至399