繼民主黨、公民黨中人係facebook貼學生相力撐罷課學生後，工黨主席李卓人終於都貼埋自己那些年、七十年代嘅學生相（圖）出嚟。相中嘅人哥西裝筆挺，一頭披頭四髮型，身形亦比𠵱家fit，估唔到當年嘅人哥都幾yeah喎。人哥自己留言話，當年佢仲讀緊大學，雖然「𠵱家老咗，但團火未熄過」，真係霸氣盡現。
少年人哥張相一出，加加埋埋好快就得到二百幾個like，有網友留言大讚佢當年幾好樣喎，亦有網友留言反問，以人哥當年咁嘅髮型，喺𠵱家可唔可以返學呢？anyway，最重要都係大家身體力行，支持同學們罷課爭取真普選箒！