古時長安米貴，居大不易，今有香港樓貴，小市民則悲嘆上車難，買間劏房隨時要過百萬，租都唔容易，畀一萬幾千蚊，都只係租到間市區棺材房！
康文署舉辦嘅第24屆全港詩詞創作比賽，今年公開組冠軍係王錦洪嘅《蝸居紀實》，寫港人蝸居苦況，相信好多人點滴在心頭。《蝸居紀實》係咁寫嘅：
老夫慚愧住劏房 上無梁 側無窗 檐隙炎風
爭肯送微涼 夾板新修纔五尺 閒作案 倦為牀
夜來淫雨忽浪浪 濕巾箱 透泥牆 交響環迴
千滴落盆缸 且喜簞瓢炊未斷 雖僻陋 又何妨
今屆填詞比賽詞牌係《江城子》，用韻以戈載《詞林正韻》為準，康文署話今屆填詞比賽共收到650幾份參賽作品，反應好熱烈。