近期甚少露面的陳玉蓮，昨日以香港復康力量大使的身份現身香港大學，為一間傷殘人士營運的迷你超市主持開幕儀式，談到當年合作拍攝《神鵰俠侶》、飾演尹志平一角的舊拍檔鄺佐輝最近發現患上第四期腸癌後，再發現腫瘤已經擴散至肝臟並接受切肝手術，蓮妹坦言知道對方患病後，有向朋友詢問有關他的病情，不過被問到會否跟鄺佐輝聯絡時，她說：「我好少同圈中人聯絡，亦都唔知佢有事，間中都有機會見到，希望佢搵到好方法醫治。」
另外，鄺佐輝日前接受完手術後，現正回家休息，問到進展情況，他昨日在電話中說：「OK呀，我做咗兩次手術，對我嚟講情況都可以接受，醫生都話進展非常好，佢哋俾我啲評語都好正面。」
「好彩唔需要切膽」
鄺佐輝還說：「可能我之前比較疏忽健康，冇做好檢查，形成今次要做大手術，不過真係好托賴，最初醫生擔心我個膽會有啲阻礙，好彩唔需要切膽！雖然呢個大病唔係好消息，但係𠵱家樣樣都好理想！」他亦透露要覆診之後先知幾時開始做化療，他說：「我唔知化療嘅情況係點，但係𠵱家啲藥物進步咗，不過我依然會用樂觀同積極嘅態度去面對！」
採訪、攝影：張俊銘
