【抗命時代 大罷課】
【本報訊】中學生罷課爭取真普選，即遭親中愛黨人士貶為笨小孩。可能是最年輕的罷課學生翟進偉，12歲、說話仍是「雞仔聲」，直言中央政府信不過，「袋住先」分分鐘袋一世，今日站出來除了爭取一人一票選特首，也要公民提名候選人，希望國家主席習近平「回心轉意」，「我知你最驚係學生，所以我哋先要企出嚟」。
記者：倪清江 林社炳 韓耀庭
現於香港華仁書院就讀中二的翟進偉（Eren），早前在facebook一個專頁發表一篇自白文章，呼籲中學生響應學民思潮今日的全港首次中學生罷課。他僅1.4米高，形容自己外貌像小三學生，「我哋身處喺呢個年代，呢個地方，就要背負公民抗命責任」。
2012年洗腦國民教育風波，令Eren開竅，「唔希望自己、香港人後代，俾人灌輸同事實背道而馳嘅資訊」。當年9月，12萬人集會反國教，就多了Eren和媽媽兩個人。
指1,200人不代表港人
之後一年多，國務院頒佈「一國兩制白皮書」、立法會強硬通過新界東北發展前期撥款、6.22民間公投，他都緊貼關注。8月31日人大公佈特首選舉框架，「真係落閘閂窗，嗰1,200人係咪真係代表到香港人？我覺得唔係！」
失望令Eren決定罷課，他出席學民思潮的討論會，又派發黃絲帶給同學。他坦言有親戚叫他不要罷課，不過父母卻認同他。
港華有數名高中生響應罷課，初中則只有Eren。他今早會參加政總公民廣場外的罷課集會，「有同學話『你幫埋我嗰份啦，因為我屋企人都唔畀』。」
「袋住先就係袋一世」
Eren意想不到今日剛巧是學校假期，但他仍會視作罷課，並表明若學民思潮發動升級行動，他會在下周一及二罷課，不過他不會參與佔中，「罷課係為佔中做好準備，令更多人關注事件，成年人可以負上我哋負唔起嘅責任」。
他指人大落閘方案不可能選出市民認同的特首，要求公民提名特首候選人，「好似去食自助餐，全枱人只可以揀一樣嘢食，廚師揀三樣嘢畀你哋揀，但你最鍾意食龍蝦，唔鍾意食嗰三樣嘢，你揀嚟都無謂」。
政府叫市民「袋住先」，Eren卻說萬萬不可，「我覺得一袋就係袋一世，可能直到你死為止都係袋緊。」他指中央「唔係我值得再信嘅政府」，批評特首梁振英政府沒有爭取中央接受政改諮詢結果。
今年11月才13歲的他說，他有獨立思考，不是受人煽動罷課。「年齡同你智商成熟度、諗嘅嘢成熟度唔會係相等。有啲人可能會係20歲人，但12歲智商，好似周融連法例都未清楚，就攞條恐怖熱線出嚟周圍畀人打。」
Eren應記者要求，向國家主席習近平發出「稚子告誡」，「香港人民有自己嘅腦，腦生出嚟就用嚟諗嘢，你要阻止我哋批判性思考係冇可能。我知你最驚係學生，所以我哋先要企出嚟，希望能夠令你回心轉意，唔係要你驚我哋、或者我哋威脅你，只係希望你能夠帶畀我哋想要嘅嘢」。
