向華強夫婦昨日到尖沙嘴欣賞好友鍾楚紅的攝影展，自鋒菲復合後，外界一直關注張栢芝的狀況，栢芝前經理人向太陳嵐昨說：「我哋一向都有聯絡，佢心情冇乜嘢，佢都離咗婚幾年，冇事㗎，都要向前行。」有傳栢芝在新加坡結新歡，向太說：「朋友啫，唔通連朋友都唔交咩？都要食吓飯，輕鬆吓！」
栢芝忽然為舊歌拍新MV，有指是憑歌寄意，其現任經理人余先生兼《該是時候》的作曲人，昨接受電話訪問時表示是別人「諗多咗」，他說：「其實主要係配合栢芝幫江蘇衛視嘅《明星到我家》，行內人一睇就知整一首MV要幾耐時間，單係特效都要一個月，已經說明唔係有乜嘢特別意思，係咁啱。」此外，霆鋒好友郭偉亮（Eric）前晚與葉佩雯出席活動，Eric恭喜鋒菲復合並說：「人生苦短，最緊要開心，Time to move on，無論佢同栢芝都一樣。」採訪：王連連、皓騫
攝影：沈健程