呢個世界真係越嚟越恐怖，動不動就攞刀斬人，日前就有人疑因cut唔到有線嘅服務合約而斬傷保安員。噚日見到九倉電訊總裁馬惟善（Vincent），Vincent喺6月起兼任有線寬頻（1097）營運總裁一職，仲要係負責公司收費服務、網絡系統及客戶服務等業務。
華華梗要問吓呢位新任有線高層點睇件事，不過Vincent對事件封口，佢都話好關心受傷同事情況，仲自爆事發當日佢身處有線電視大廈返緊工㖭，但其他就唔願多講。問到佢家陣身兼兩職如何分配時間，Vincent話，𠵱家仍花較多時間處理九倉電訊業務，大概六四之比，即一星期到荃灣上班只約兩日，但仍然俾佢遇上「cut唔到有線斬人事件」，真唔知好彩定唔好彩。