禮拜六沙田八草兩泥賽事，草地用C跑道，睇番最近6月15日同一移欄11場賽事，前置馬優勢甚大，總共有九匹頭馬守前三位入直路建功，當中「董事長」、「感恩」及「氣勢如虹」都係放頭帶到，加上剛剛周三C欄兩場轉彎賽事之放頭馬「時裝精英」及「君子協定」都入Q，故此仍要優先留意具前速之馬匹。今戰列陣馬中，第九場「牛精叻仔」兩次跑田C欄全勝，亦係全場唯一贏過C欄嘅參戰馬，抽埋一檔機會唔錯。
至於泥地方面，最近一次日賽跑泥好地是4月21日，當日四匹泥地頭馬中，「雄心勁龍」、「太陽戰士」及「輕彈錢笑」都係沿途擺前帶到，第七場「盈威勇士」及尾場「輕彈錢笑」此類擅跑泥地之均速前置馬可優先留意。