鍾楚紅（紅姑）早前走訪巴黎，以Chaumet品牌好友身份出席在大皇宮舉行的古董雙年展，紅姑戴上為展覽特製，價值千萬港元的Lumieres d’Eau高級珠寶系列。不過珠寶如何閃耀都不及紅姑散發的艷光，原來在這位大美人眼中，從不覺得自己漂亮。她不修邊幅，沒有保養，做自己、enjoy her life。紅姑說：「從來唔覺得自己靚，靚唔靚只係同自己交代，就算好多皺紋都唔介意。呢個就係我、就係生活，靚嘅人係要做自己、有愛心、要充實，唔好睇得外表咁重要。」
享受單身不寂寞
紅姑亳不隱藏對亡夫朱家鼎的愛，直言心裏面空間只夠容納這位守護天使，她說：「點可以有感情生活？日日畀狗仔隊影到，難啲囉。」依然深愛先生？紅姑想也不想說：「唔使講，佢係我家嘅守護天使，佢成日喺我心入面，所以唔係好多位容納其他人，我已經太多嘢鍾意，種花、煮嘢食同旅行，我太鍾意一個人生活。」
紅姑十分享受現時的單身生活，問她會有寂寞一刻嗎？她說：「我唔會有，我太熱愛生活，唯一覺得寂寞就係掛住佢（朱家鼎）嘅時候，想有人同我分享某啲嘢。如果佢喺度就幾好，有個人同我咁夾、同我睇法一樣，可以同我分享。分享都要有個人明白你，寂寞嘅時候就係想分享時，希望佢喺度。」紅姑說時眼泛淚光，她說：「𠵱家都想喊，所以唔講得。」
採訪：羅慧敏
攝影：周樂恒
