周永恒前晚忽然情緒失控，衝上趙頌茹屋企爆粗搞事，好友都擔心他情緒有問題，昨高皓正接受電話訪問，懷疑Roy情緒反覆是受腦瘤影響：「佢最好搵醫生睇吓，之前醫生話個瘤會影響佢情緒，或者佢面對好多壓力都有影響，我發現佢好反覆，有時好冷靜認錯，有時又唔穩定，認識佢咁多年，呢個情況唔係常態，但相信佢有一日會好。」
至於裕美昨亦發訊息問候Roy，她昨在電話說：「佢熄咗電話冇覆，自從第一日知佢兩夫婦有事，佢覆過祈禱手勢畀我，好似唔想講太多，自己有留意佢哋消息，見佢情緒、精神越嚟越嚴重，又笑又喊，突然又失控，自己都有少少擔心，希望佢搵輔導人、醫生傾吓，我驚佢有精神問題，感覺好失常。」
採訪：皓騫
